မကွေးမြို့
မကွေးတိုင်း၏ မြို့တော်ဖြစ်သော မကွေးမြို့သည် ဧရာဝတီမြစ်၏
အရှေ့ဘက်ကမ်းတွင်ရှိပြီး သဘောင်္ဆိပ်မြို့ လည်းဖြစ်သည်။
မြစ်ကြောင်းအတိုင်းဆိုလျင် ရန်ကုန်မြို့မှ ၃၇၈ မိုင်ဝေးပြီး၊ မန္တလေး
မြို့မှ ၂၁၉ မိုင်ဝေးသည်။ ရန်ကုန်၊ ပြည် ၊မန္တလေးကားလမ်းသည်
မကွေးမြို့ကိုဖြတ်သန်းသွားသည်။ ကုန်းလမ်းအားဖြင့် အောင်လံမြို့နှင့် ၁၀၈
မိုင်ကွာဝေးပြီး၊ ရေနံချောင်းမြို့နှင့် ၃၂ မိုင်ကွာဝေးသည်။
လေကြောင်းလမ်းအဆက်အသွယ်လည်း ရှိသ ဖြင့် လမ်းပန်းဆက်သွယ်ရေးကောင်းမွန်သော
မြို့ဖြစ်သည်။ ဧရာဝတီမြစ်တဘက်ကမ်း တွင် မင်းဘူးမြို့ တည်ရှိပြီး၊
ကျောက်ပန်းတောင်း-ပျဉ်းမနား မီးရထားလမ်းပေါ်ရှိ နတ်မောက်မြို့နှင့်
တောင်တွင်းကြီးမြို့ များနှင့် မော်တော်ကားလမ်း ဆက်သွယ်ထားသည်။
အရောင်းအ၀ယ်စည်ကားသော မြို့ဖြစ်ပြီး အဓိကထွက်ကုန်များမှာ
နှမ်း၊မြေပဲ၊ကြက်သွန်နီ အစရှိသော စိုက်ပျိုးရေးထွက်ကုန်များ ဖြစ်ကြသည်။
ထင်ရှားသော နေရာများမှာ-
• မကွေးကောလိပ်
• မကွေး ဆေးတက္ကသိုလ်
• မကွေးမြို့ ကျက်သရေဆောင် မြသလွန် ဘုရား
သမိုင်းကြောင်း
မကွေးမြို့ကို အေဒီ ၁၁၅၈ ကစတင်တည်ထောင်ခဲ့သည်ဟု ဆိုကြသော်လည်း
ထင်ရှားခြင်းမရှိခဲ့ပေ။ မြန်မာမင်းများအဆက်ဆက် တွင် မြို့ဝန်၊မြို့သူကြီး၊
မြို့စားများ ဖြင့်သာ အုပ်ချုပ်ခဲ့သည်။ မြန်မာသက္ကရာဇ် ၁၂၂၈ ခုနှစ်(အေဒီ
၁၈၆၆) တွင် မကွေးမြို့သူကြီး ဦးကြိတ်ကြီးသည် မြင်ကွန်း မြင်းခုန်တိုင်
အရေးအခင်းတွင် ပူးပေါင်းပါဝင် လှုပ်ရှားခဲ့သော်လည်း အောင်မြင်မူ့မရခဲ့ယုံမက
ကွပ်မျက်ခြင်းခံခဲ့ရသည်။.
No comments:
Post a Comment